Book Thurannuvecha Sangeetha Jalakangal
Book Thurannuvecha Sangeetha Jalakangal

തുറന്നുവെച്ച സംഗീത ജാലകങ്ങള്‍

60.00

18 in stock

Author: Murali.V.T. Category: Language:   Malayalam
Edition: 1 Publisher: Mathrubhumi
Specifications Pages: 0 Binding:
About the Book

സംഗീതത്തിന്റെ വിപണനസാധ്യതകളില്‍ മാത്രം കണ്ണുവെച്ചുകൊണ്ട്, അതിനെ തീര്‍ത്തും ഒരു കച്ചവടവസ്തു മാത്രമാക്കി മാറ്റിക്കൊണ്ടിരിക്കുന്ന ഒരു കാലമാണ് നമ്മുടെ കണ്‍മുന്നിലുള്ളത്. ഈ കാലത്തോട്, സംസ്‌കാരത്തെപ്പറ്റിയോ സമൂഹത്തെപ്പറ്റിയോ സംസാരിക്കുക പോലും അസാധ്യമാണ്. വാക്കുകള്‍ മാത്രമല്ല, മനുഷ്യശബ്ദംപോലും അസാധുവാകുന്ന യാന്ത്രികഭീകരതയിലേക്കും അതിന്റെ ഉന്മാദാവസ്ഥയിലേക്കും കുതിക്കുന്നു ലോകം. പല തൂവലുകള്‍ വെച്ചുകെട്ടി സുന്ദരിയാവാന്‍ ശ്രമിച്ച കഥയിലെ കാക്കയെപ്പോലെ അപഹാസ്യമാവുന്ന ഒരു സംഗീതജീവിതത്തിലേക്ക് കൂപ്പുകുത്തുകയാണ് വര്‍ത്തമാനം. രാഘവന്‍മാസ്റ്റര്‍മുതല്‍ റഹ്മാന്‍വരെ, മുഹമ്മദ് റഫിമുതല്‍ ചിദംബരനാഥ്‌വരെ മുരളിയുടെ നേര്‍ക്കാഴ്ചയിലൂടെ നമുക്കു മുന്നില്‍ ജീവസ്സുറ്റ ചിത്രങ്ങളായി തെളിയുന്നു.-വി.കെ. ശ്രീരാമന്‍

The Author
Murali.V.T.

അച്ഛന്‍: പരേതനായ വി.ടി. കുമാരന്‍ മാസ്റ്റര്‍. അമ്മ: എ. ശാന്ത ടീച്ചര്‍. ഭാര്യ: ശശികല. മക്കള്‍: ഇന്ദു, നീത. മടപ്പള്ളി കോളേജില്‍ പ്രീഡിഗ്രിക്കു ശേഷം തിരുവനന്തപുരം ശ്രീ സ്വാതിതിരുനാള്‍ സംഗീത കോളേജില്‍നിന്ന് ഗാനഭൂഷണം പാസ്സായി. ചെന്നൈ ഗവ. സംഗീത കോളേജില്‍ സംഗീത വിദ്വാന്‍ കോഴ്‌സിനു പഠിച്ചു. തേന്‍തുള്ളി, ഉല്പത്തി, കത്തി, ഉയരും ഞാന്‍ നാടാകെ തുടങ്ങിയ സിനിമകള്‍ക്കുവേണ്ടി പാടിയ ഓത്ത് പള്ളി, കാലത്തെ ജയിക്കുവാന്‍, പൊന്നരളി, മാതളത്തേനുണ്ണാന്‍ എന്നീ ഗാനങ്ങള്‍ പ്രശസ്തങ്ങളാണ്. കെ.പി.എ.സി. നാടകസമിതിയില്‍ ഗായകനായിരുന്നു. അവാര്‍ഡുകള്‍: നല്ല നാടകഗായകനുള്ള അവാര്‍ഡ് (2003, കേരള സംഗീത നാടക അക്കാദമി), ലളിതഗാനശാഖയുടെ 2007-ലെ അവാര്‍ഡ് (കേരള സംഗീത നാടക അക്കാദമി), ചാന്ദ് പാഷ പുരസ്‌കാരം (കേരള മാപ്പിള കലാ അക്കാദമി) ഗ്രാമദീപം അവാര്‍ഡ് (കൂടത്താന്‍കണ്ടി കുഞ്ഞികൃഷ്ണന്‍ നമ്പ്യാര്‍ സ്മാരകം), തോപ്പില്‍ ഭാസി അവാര്‍ഡ് (കുവൈത്ത് കേരള അസോസിയേഷന്‍), കാമ്പിശ്ശേരി അവാര്‍ഡ് (അബുദബി യുവ കലാ സാഹിതി), 2007-ലെ പ്രൊഫഷണല്‍ നാടക മത്സരം, 2008-ലെ സംസ്ഥാന സര്‍ക്കാര്‍ ഫിലിം അവാര്‍ഡ് എന്നിവയില്‍ ജൂറി മെമ്പറായിരുന്നു. ഇപ്പോള്‍ കേരള സ്‌റ്റേറ്റ് ഫിലിം ഡവലപ്‌മെന്റ് കോര്‍പറേഷന്‍ ഡയറക്ടര്‍ ബോര്‍ഡ് അംഗം. കേരള വാട്ടര്‍ അതോറിറ്റിയില്‍ ഉദ്യോഗസ്ഥന്‍. കോഴിക്കോട് മഞ്ജുഭാഷ പ്രസിഡന്റ്, ഇപ്റ്റ സംസ്ഥാന വൈസ് പ്രസിഡന്റ്, കെ.വി. സുരേന്ദ്രനാഥ് സ്മാരക ട്രസ്റ്റ് സെക്രട്ടറി, പി. ഉദയഭാനു സ്മാരക ട്രസ്റ്റ് വൈസ് പ്രസിഡന്റ്, കേരള വാട്ടര്‍ അതോറിറ്റി ജീവനക്കാരുടെ സാംസ്‌കാരിക സംഘടനയായ 'ജലധാര' സംസ്ഥാന പ്രസിഡന്റ് എന്നീ നിലകളില്‍ പ്രവര്‍ത്തിക്കുന്നു. വിലാസം: മഞ്ജിമ, പി.ഒ. മടപ്പള്ളി കോളേജ്, വടകര- 2, ഫോണ്‍: 9446511239.

Reviews

There are no reviews yet.

Add a review

Your email address will not be published. Required fields are marked *