Add a review
You must be logged in to post a review.
ഷെര്ലക്ക്
₹60.00 ₹51.00
15% off
Out of stock
Get an alert when the product is in stock:
ISBN 13:
Publisher: Current Books Trichur
Specifications
Pages: 0 Binding:
About the Book
പ്രളയങ്ങള്‍ക്കുശേഷം സാവധാനം ഉണര്‍ന്നുവരുന്ന സൂര്യനെ നോക്കുന്നതുപോലെ, മനുഷ്യഭാവങ്ങളുടെ അദ്ഭുതം ദര്‍ശിക്കുകയാണ് ഈ കഥകളില്‍ . മലയാളത്തിന്റെ പ്രിയപ്പെട്ട എം.ടി വാക്കുകളെ എങ്ങനെ ഒരു ദ്രാവിഡശില്പത്തിന്റെ കരുത്തും ലാവണ്യവുമഭ്യസിപ്പിക്കാമെന്നതിന് ഈ സമാഹാരത്തിലെ നാലു കഥകളും സാക്ഷികളാണ്. മനുഷ്യന്റെ ആന്തരികവൈരസ്യം തന്നിലേക്കുതന്നെ നഖമുനകളാഴ്ത്തുന്നതിന്റെ നടുക്കുന്ന വിവരണമായ ഷെര്ലക്ക്, ജീവിതത്തെ പ്രളയം ഗ്രസിക്കുന്നതിന്റെ ആഖ്യാനമായ കല്‍പ്പാന്തം, സാഹോദര്യത്തിന്റെ മൂകമായ നിലവിളി ചെവിയോര്‍ക്കുന്ന കടുഗണ്ണാവ ഒരു യാത്രക്കുറിപ്പ്, മനുഷ്യബന്ധങ്ങള്‍ക്കിടയില്‍ മഞ്ഞുകാറ്റടിക്കുന്നതിന്റെ കഥ പറയുന്ന ശിലാലിഖിതം – നാലു വിശിഷ്ട കഥകളുടെ സമാഹാരം.
The Author
മലയാളികളുടെ എക്കാലത്തേയും പ്രിയപ്പെട്ട എഴുത്തുകാരന്‍, തിരക്കഥാകൃത്ത്, സംവിധായകന്‍, ജ്ഞാനപീഠ പുരസ്‌കാര ജേതാവ്. 2005ല്‍ പത്മഭൂഷണ്‍. ദീര്‍ഘകാലം മാതൃഭൂമി ആഴ്ചപ്പതിപ്പിന്റെ സഹപത്രാധിപരും തുടര്‍ന്ന് പത്രാധിപരുമായിരുന്നു. കാലം എന്ന നോവലിന് കേന്ദ്ര സാഹിത്യ അക്കാദമി അവാര്‍ഡ്. നാലുകെട്ട്, ഗോപുരനടയില്‍ എന്നീ കൃതികള്‍ക്ക് കേരള സാഹിത്യ അക്കാദമി അവാര്‍ഡ്. രണ്ടാമൂഴത്തിന് വയലാര്‍ അവാര്‍ഡ്. മുട്ടത്തുവര്‍ക്കി ഫൗണ്ടേഷന്‍ അവാര്‍ഡ്. നിര്‍മാല്യത്തിന് മികച്ച ചലച്ചിത്രത്തിനുള്ള ദേശീയ അവാര്‍ഡ്. തിരക്കഥയ്ക്കുള്ള സംസ്ഥാന ദേശീയ അവാര്‍ഡുകള്‍ക്ക് പലതവണ അര്‍ഹനായി. മാതൃഭൂമി സാഹിത്യപുരസ്‌കാരവും ചലച്ചിത്രസപര്യാപുരസ്‌കാരവും ലഭിച്ചു. മഞ്ഞ്, അസുരവിത്ത്, വിലാപയാത്ര, പാതിരാവും പകല്‍വെളിച്ചവും, അറബിപ്പൊന്ന് (എന്‍.പി. മുഹമ്മദിനോടൊപ്പം), വാരാണസി (നോവലുകള്‍), ഇരുട്ടിന്റെ ആത്മാവ്, ഓളവും തീരവും, കുട്ട്യേടത്തി, വാരിക്കുഴി, പതനം, ബന്ധനം, വാനപ്രസ്ഥം (കഥകള്‍), ആള്‍ക്കൂട്ടത്തില്‍ തനിയെ (യാത്രാവിവരണംമാതൃഭൂമി ബുക്‌സ്), മനുഷ്യര്‍ നിഴലുകള്‍ (മറുനാടന്‍ ചിത്രങ്ങള്‍മാതൃഭൂമി ബുക്‌സ്), എം.ടി.യുടെ അഞ്ച് തിരക്കഥകള്‍ (മാതൃഭൂമി ബുക്‌സ്) എന്നിവ മറ്റു പ്രധാന കൃതികള്‍. കേരള സാഹിത്യ അക്കാദമിയുടെ പ്രസിഡന്റായിരുന്നു. ഇപ്പോള്‍ തുഞ്ചന്‍ സ്മാരക സമിതിയുടെ അധ്യക്ഷന്‍.
Reviews
There are no reviews yet.