ശലഭമഴ
₹100.00 ₹90.00
10% off
16 in stock
ആദില മലയാളകവിതയുടെ ഭാവിക്കൊരു പ്രതീക്ഷയാണെന്ന് അതു പറയാന്‍ അധികാരമുള്ളവര്‍ പറഞ്ഞുകഴിഞ്ഞിട്ടുണ്ട്. വാഗ്ദാനങ്ങള്‍ സഫലമാവുന്നത് കര്‍മകുശലതയിലൂടെയാണെന്ന് പറയേണ്ടതില്ലതാനും. ഭാഷയുടെയും പദസംവിധാനത്തിന്റെയും വൃത്തബന്ധരചനകളിലെ താളക്കണക്കുകളുടെയും ‘ശരി’കളിലേക്ക് കൂടുതല്‍ ശ്രദ്ധചെലുത്തുന്നതിലെ പെരുമ, സൃഷ്ടികളുടെ പെരുപ്പത്തോടൊപ്പം പ്രധാനമാണ്. ശക്തി അഥവാ ജന്മവാസനയെന്ന അനുഗൃഹീതത്വം ആദിലയ്ക്കുണ്ട്- നിപുണത ആര്‍ജിക്കാനുള്ള ത്വരയുമുണ്ട്. അനാദിയും അനന്തവുമായ പദാര്‍ഥതാളലയബോധമുണ്ട്. ലക്ഷ്യബോധത്തിന്റെ കെടാവിളക്കു കൈയിലും വഴികാട്ടി ഉള്ളിലും ഉണ്ടെന്ന ധൈര്യം, കൊടുങ്കാട്ടിലൂടെയുള്ള യാത്രയെ പൂവാടിയിലൂടെയെന്നപോലെ സുഗമവും സുഖദവുമാക്കുമെന്ന് ആശിക്കാം.
– ഡോ. എം. ലീലാവതി
1995 ഏപ്രില്‍ 16 ന് ആലപ്പുഴയിലെ ചരിത്രപ്രസിദ്ധമായ പുന്നപ്രയില്‍ ജനനം. പുന്നപ്ര യു.പി സ്‌കൂളില്‍ പ്രൈമറി വിദ്യാഭ്യാസം. 2011-ല്‍ പറവൂര്‍ സെന്റ് ജോസഫ് ഹൈസ്‌കൂളില്‍നിന്നും എല്ലാ വിഷയങ്ങള്‍ക്കും 'എ പ്ലസ്' നേടി 10-ാം ക്ലാസ്സില്‍ വിജയിച്ചു. ഇപ്പോള്‍ ആലപ്പുഴ ടി.ഡി.എച്ച്. എസ്. എസ്സിലെ പ്ലസ് വണ്‍ വിദ്യാര്‍ഥിനിയാണ്. ജില്ലാ കലോത്സവങ്ങളില്‍ മലയാളം, ഇംഗ്ലീഷ് പ്രസംഗങ്ങള്‍ക്കും കവിതാരചനയ്ക്കും പല തവണ സമ്മാനാര്‍ഹയായിട്ടുണ്ട്. 2011-ല്‍ കേരളാ ദ്രാവിഡ ഫോക്‌ലോര്‍ ആര്‍ട്‌സ് സൊസൈറ്റിയുടെ യുവപ്രതിഭാ പുരസ്‌കാരം ലഭിച്ചു. പുന്നപ്ര ഗവ. ജെ. ബി. സ്‌കൂള്‍ അധ്യാപകന്‍ മാക്കിയില്‍ എം. എം. അഹമ്മദ് കബീറിന്റെയും പുന്നപ്ര യു.പി. സ്‌കൂള്‍ അധ്യാപിക എ. റോഷ്‌നയുടെയും മകളാണ്. സഹോദരി ഹാലിഫ എ. കബീര്‍. വിലാസം: ആദില എ. കബീര്‍, മാക്കിയില്‍, പുന്നപ്ര പി.ഒ., ആലപ്പുഴ-688 004
Related Products
-
കഥാത്രയി
Chidambarakavi
₹50.00₹45.00 10% off
