സ്ത്രീ-പുരുഷബന്ധങ്ങള്‍ , സാഹിത്യ-സാംസ്‌കാരികപ്രസ്ഥാനങ്ങള്‍ , ഇലക്ട്രോണിക് മാധ്യമങ്ങള്‍ , പ്രണയം, സ്ത്രീവാദം, സ്വത്വബോധം.. തുടങ്ങിയ സജീവമായ മുഖ്യധാരപ്രമേയങ്ങളിലൂടെയാണ് കെ.പി.രാമനുണ്ണിയുടെ കഥകള്‍ വ്യാപരിക്കുന്നത്. പക്ഷേ അവയിലൊന്ന് പോലും ഈ പ്രമേയങ്ങളുടെ വ്യവസ്ഥാപിതമായ സാധ്യതകളെ പരിചരിക്കുകയോ പ്രോല്‍സാഹിപ്പിക്കുകയോ ചെയ്യുന്നില്ല. ഓരോ ജീവിതമേഖലയും സൃഷ്ടിക്കുന്ന അനുഭവത്തിന്റെ നവീനവും അപൂര്‍വവുമായ ശ്രേണികളിലാണ് കഥാകാരന്‍ ശ്രദ്ധയൂന്നുന്നത്.- കെ.പി.രാമനുണ്ണി.

രാത്രിവിരുന്ന്, മുഖലക്ഷണം, പുരുഷവിലാപം, പ്രണയപര്‍വം, പാവം ഈ ശരീരത്തെ ഓര്‍ത്ത് തുടങ്ങിയ ശ്രദ്ധേയമായ കഥകളടങ്ങിയ സമാഹാരത്തിന്റെ രണ്ടാം പതിപ്പ്.