ഒരു വടക്കന്‍ വീരഗാഥ
₹60.00
Out of stock
Get an alert when the product is in stock:
Specifications
Pages: 100 Binding:
About the Book
മലയാളത്തിന്റെ സൗഭാഗ്യമായ ഒരെഴുത്തുകാരന്റെ സവിശേഷ രചന.മലയാളികള്‍ക്കുചിരപരിചിതമായ നടക്കന്‍ പാട്ടിലെ ചന്തുവിന്റെ കഥ ഈ വീരഗാഥയില്‍ പുതിയ അര്‍ത്ഥം കൈവരിക്കുന്നു. ചതിയന്‍ ചന്തു എന്ന് അവമതിക്കപ്പെട്ട് വടക്കന്‍ പാട്ടിലുടനീളം ഖേദം മൗനമാക്കി ഒരു നീചജന്മം ജീവിച്ചു തീര്‍ക്കുന്ന ചന്തുവിന് എം.ടി.യിലൂടെ ലഭിച്ച പുനര്‍ജന്മമാണ് ഈ തിരക്കഥ. ഈ സിനിമക്കുശേഷം ചന്തു ജനമനസ്സില്‍ ധീരോദാത്തനായകനാണ്. വടക്കന്‍ പാട്ടിലെ കഥാവഴികളില്‍ മറഞ്ഞു കിടക്കുന്ന സത്യവും മൗനവും കണ്ടെടുത്താണ് എം.ടി.ചന്തുവിനെ പുതിയ നായകമിത്താക്കി മാറ്റുന്നത്. തിരക്കഥയില്‍ ഇത് മലയാളത്തിന്റെ ക്ലാസ്സിക്കാണ്. സിനിമയെക്കുറിച്ച് ചിന്തിക്കുന്നവര്‍ക്ക് എം.ടി.നല്‍കിയ പാഠപുസ്തകം. വായനക്കാര്‍ക്ക് ഒരു ഉത്തമസാഹിത്യരചനയും. നമ്മുടെ ഓര്‍മകളില്‍ സജീവമായ ഒരു കാലഘട്ടത്തിലേക്ക്, അതിന്റെ ഉള്‍ത്തുടിപ്പുകളിലേക്ക്, ധീരനായ അന്വേഷകന്റെ തീര്‍ത്ഥാടനം. കഥാപാത്രങ്ങളുടെ മാനസികാഖ്യാനത്തിലും, മനുഷ്യത്വപരമായ അവതരണത്തിലും സര്‍ഗധനനായ രചയിതാവു പ്രകടിപ്പിക്കുന്ന മികവ് ഇതില്‍ കാണാം.
The Author
മലയാളികളുടെ എക്കാലത്തേയും പ്രിയപ്പെട്ട എഴുത്തുകാരന്‍, തിരക്കഥാകൃത്ത്, സംവിധായകന്‍, ജ്ഞാനപീഠ പുരസ്‌കാര ജേതാവ്. 2005ല്‍ പത്മഭൂഷണ്‍. ദീര്‍ഘകാലം മാതൃഭൂമി ആഴ്ചപ്പതിപ്പിന്റെ സഹപത്രാധിപരും തുടര്‍ന്ന് പത്രാധിപരുമായിരുന്നു. കാലം എന്ന നോവലിന് കേന്ദ്ര സാഹിത്യ അക്കാദമി അവാര്‍ഡ്. നാലുകെട്ട്, ഗോപുരനടയില്‍ എന്നീ കൃതികള്‍ക്ക് കേരള സാഹിത്യ അക്കാദമി അവാര്‍ഡ്. രണ്ടാമൂഴത്തിന് വയലാര്‍ അവാര്‍ഡ്. മുട്ടത്തുവര്‍ക്കി ഫൗണ്ടേഷന്‍ അവാര്‍ഡ്. നിര്‍മാല്യത്തിന് മികച്ച ചലച്ചിത്രത്തിനുള്ള ദേശീയ അവാര്‍ഡ്. തിരക്കഥയ്ക്കുള്ള സംസ്ഥാന ദേശീയ അവാര്‍ഡുകള്‍ക്ക് പലതവണ അര്‍ഹനായി. മാതൃഭൂമി സാഹിത്യപുരസ്‌കാരവും ചലച്ചിത്രസപര്യാപുരസ്‌കാരവും ലഭിച്ചു. മഞ്ഞ്, അസുരവിത്ത്, വിലാപയാത്ര, പാതിരാവും പകല്‍വെളിച്ചവും, അറബിപ്പൊന്ന് (എന്‍.പി. മുഹമ്മദിനോടൊപ്പം), വാരാണസി (നോവലുകള്‍), ഇരുട്ടിന്റെ ആത്മാവ്, ഓളവും തീരവും, കുട്ട്യേടത്തി, വാരിക്കുഴി, പതനം, ബന്ധനം, വാനപ്രസ്ഥം (കഥകള്‍), ആള്‍ക്കൂട്ടത്തില്‍ തനിയെ (യാത്രാവിവരണംമാതൃഭൂമി ബുക്‌സ്), മനുഷ്യര്‍ നിഴലുകള്‍ (മറുനാടന്‍ ചിത്രങ്ങള്‍മാതൃഭൂമി ബുക്‌സ്), എം.ടി.യുടെ അഞ്ച് തിരക്കഥകള്‍ (മാതൃഭൂമി ബുക്‌സ്) എന്നിവ മറ്റു പ്രധാന കൃതികള്‍. കേരള സാഹിത്യ അക്കാദമിയുടെ പ്രസിഡന്റായിരുന്നു. ഇപ്പോള്‍ തുഞ്ചന്‍ സ്മാരക സമിതിയുടെ അധ്യക്ഷന്‍.
Reviews
There are no reviews yet.