Add a review
You must be logged in to post a review.
നഗ്നപുരുഷന്‍
₹225.00 ₹180.00 20% off
Out of stock
Get an alert when the product is in stock:
Specifications Pages: 0 Binding:
About the Book
ഗഹനശാസ്ത്രത്തിന്റെയും ജനതാത്പര്യത്തിന്റെയും അതുല്യമായൊരു മോറിസ് മിശ്രണം.- സണ്‍ഡെ ടെലഗ്രാഫ്
നര്‍മരസപ്രദമായ ഉപാഖ്യാനങ്ങളുടെ ഒരു അക്ഷരച്ചെപ്പ്. എന്നാല്‍ പണ്ഡിതോചിതമായൊരു ധ്വനിയും സാരമായൊരു ഉദ്ദേശ്യവും അതിനുണ്ട്.- ഡെയ്‌ലി മെയ്ല്‍
പുരുഷശരീരത്തിന്റെ ഒരു സമഗ്രപഠനമാണ് മോറിസിന്റെ ‘നഗ്നപുരുഷന്‍’. മനുഷ്യന്റെ ഒരു സ്വാഭാവികചരിത്രംകൂടിയാണിത്. സാമൂഹ്യ പരിഷ്‌കാരങ്ങളും പ്രാദേശിക ആചാരങ്ങളും അതിശയോക്തിയോടെ വര്‍ണിക്കുകയും പരിഷ്‌കരിക്കുകയും ചിലപ്പോള്‍ അടിച്ചമര്‍ത്തുകയും ചെയ്ത പുരുഷന്റെ ജൈവഭാവങ്ങളെ ഇതില്‍ പഠനവിധേയമാക്കുന്നു.
ജന്തുശാസ്ത്രത്തിന്റെ കാഴ്ചപ്പാടില്‍ നിന്നുകൊണ്ട് മനുഷ്യനെ വിവരിക്കുന്ന ഈ പുസ്തകം അവനെ, അതിവിദൂരമല്ലെങ്കിലും വംശനാശം നേരിടുന്നൊരു ജീവജാതിയുടെ ആകര്‍ഷകമാതൃകയായി പരിഗണിക്കുന്നു. ഏറെ വിവാദമായ പുരുഷലൈംഗികത എന്ന വിഷയവും പ്രതിപാദിക്കുന്ന രചന.
The Author 
നരവംശ ശാസ്ത്രജ്ഞന്‍, ജന്തുശാസ്ത്രജ്ഞന്‍ എന്നീ നിലകളില്‍ പ്രശസ്തന്‍. ടെലിവിഷന്‍ പ്രൊഡ്യൂസര്‍, സര്‍റിയലിസ്റ്റ് ചിത്രകാരന്‍, നോവലിസ്റ്റ്, ബാലസാഹിത്യ രചയിതാവ് തുടങ്ങി വിവിധ മേഖലകളില്‍ പ്രാഗത്ഭ്യം തെളിയിച്ചു. 1928 ജനവരി 24ന് ഇംഗ്ലണ്ടില്‍ സ്വിന്‍ഡനിനടുത്തുള്ള പര്‍ടണ്‍ ഗ്രാമത്തില്‍ ജനിച്ചു. പിതാവ് ഹാരിമോറിസ് ബാലസാഹിത്യകാരനായിരുന്നു. ഇരുപതാം വയസ്സില്‍ ആദ്യത്തെ വണ്‍മാന്‍ ഷോ ചിത്രപ്രദര്‍ശനം നടത്തി. ഓക്‌സ്‌ഫോര്‍ഡ് യൂനിവേഴ്‌സിറ്റിയില്‍നിന്ന് ജന്തുശാസ്ത്രത്തില്‍ ഡോക്ടറേറ്റ് നേടി. തുടര്‍ന്ന് ജന്തുപെരുമാറ്റത്തെക്കുറിച്ച് ടെലിവിഷന്‍ പരമ്പരകള്‍ നിര്‍മിക്കാന്‍ തുടങ്ങി. മനുഷ്യക്കുരങ്ങുകളുടെ ചിത്രം വരയ്ക്കാനുള്ള കഴിവുകളെക്കുറിച്ചും മനുഷ്യരുടെ കലയുമായി അതിനുള്ള ബന്ധത്തെക്കുറിച്ചും പ്രതിപാദിക്കുന്ന ദി ബയോളജി ഓഫ് ആര്‍ട്ട് എന്ന പുസ്തകം പ്രസിദ്ധീകരിച്ചു. കുട്ടികള്‍ക്കുവേണ്ടി ഏപ്‌സ് ആന്‍ഡ് മങ്കീസ്, ദി ബിഗ് ക്യാറ്റ്‌സ് എന്നീ പുസ്തകങ്ങള്‍ രചിച്ചു. തുടര്‍ന്ന് അതിപ്രശസ്തമായ ദി നേക്കഡ് ഏപ് എന്ന പുസ്തകം പുറത്തുവന്നു. മനുഷ്യനെന്ന മൃഗത്തെക്കുറിച്ച് ഒരു ജന്തുശാസ്ത്രജ്ഞന്റെ സൂക്ഷ്മമായ പഠനമാണീ പുസ്തകം. മനുഷ്യസ്വഭാവത്തെക്കുറിച്ചും പെരുമാറ്റ സവിശേഷതകളെക്കുറിച്ചും, തുടര്‍ന്ന് ഏതാനും പുസ്തകങ്ങള്‍ പ്രസിദ്ധീകരിച്ചു. ദി ഹ്യൂമന്‍ സൂ, പാറ്റേണ്‍സ് ഓഫ് റിപ്രൊഡക്ടീവ് ബിഹേവിയര്‍, ഇന്റിമേറ്റ് ബിഹേവിയര്‍, മാന്‍വാച്ചിങ്, എ ഫീല്‍ഡ് ഗൈഡ് ടു ഹ്യൂമന്‍ ബിഹേവിയര്‍ എന്നിവയാണ് ഈ ജനുസ്സില്‍പ്പെട്ട പ്രശസ്തമായ പുസ്തകങ്ങള്‍. ആനിമല്‍ ഡേയ്‌സ് എന്ന പേരില്‍ ആത്മകഥയുടെ ആദ്യഭാഗം പ്രസിദ്ധീകരിക്കപ്പെട്ടു. െതയ്ംസ് ടിവിക്കുവേണ്ടി അവതരിപ്പിച്ച ദി ഹ്യൂമന്‍ റേസ് എന്ന ടെലിവിഷന്‍ പരമ്പര ഏറെ ജനപ്രിയമായി. സയന്‍സ് ഫിക്ഷന്‍ വിഭാഗത്തില്‍പ്പെടുത്താവുന്ന ഇന്റോക്ക് എന്ന നോവല്‍ പ്രസിദ്ധീകരിച്ചു. ദി ഹ്യൂമന്‍ ആനിമല്‍ എന്ന ടിവി പരമ്പര മികച്ച ഡോക്യുമെന്ററി പരമ്പരയ്ക്കുള്ള ലോസ് ആഞ്ചലസിലെ കേബിള്‍ ഏസ് അവാര്‍ഡ് നേടി. 37,000 മൈല്‍ ദൂരം സഞ്ചരിച്ച് 21 രാജ്യങ്ങള്‍ മൂന്നുമാസത്തിനുള്ളില്‍ സന്ദര്‍ശിച്ചു. വാച്ചിങ് എന്ന പേരില്‍ ഓര്‍മക്കുറിപ്പുകള്‍ കഴിഞ്ഞവര്‍ഷം പ്രസിദ്ധീകരിച്ചു.
Reviews
There are no reviews yet.