മലയാളത്തിലെ ഓരോ കഥയും ഓരോ എരിഞ്ഞടങ്ങലുകളാണ്. പീഡനത്തിനും സഹനത്തിനും മധ്യേയാണ് അതിന്റെ ഒഴുകിപ്പരക്കല്‍ . മലയാളകഥയുടെ തിളച്ച യൗവനം അര്‍ഷാദ് ബത്തേരിയുടെ കഥകളില്‍ കാണാം. അത് ഭയത്തിനും നിശ്ശബ്ദതയ്ക്കുമിടയില്‍ പ്രകമ്പനം കൊള്ളുന്ന ജീവിതാസക്തിയുടെയും ആനന്ദത്തിന്റെയും എരിഞ്ഞടങ്ങലാണ്. മീനുകളുടെ ആകാശവും പറവകളുടെ ഭൂമിയും എന്ന സമാഹാരത്തിലെ എട്ടു കഥകളും അതോര്‍മിപ്പിക്കുകയും നമ്മെ ആഴത്തില്‍ മുറിപ്പെടുത്തുകയും ചെയ്യുന്നു.