കാട് ഇഷ്ടമല്ലാത്തവർ ആരുണ്ട് ?

ഓരോ മനുഷ്യന്റെയുള്ളിലും ഒരു കാടുണ്ട് എന്നത് ശരി തന്നെ എന്നാൽ പുറത്തുള്ള കാട് കാണുവാനുള്ള യാത്ര നമ്മൾ പലപ്പോഴും മാറ്റിവെക്കാറാണ് പതിവ് –
ജ്യോതിലാലിന്റെ കാട്ടിലേക്കുള്ള യാത്രകൾ വായിച്ചാൽ കാട് നമ്മളെത്തിരഞ്ഞു വരുന്ന പ്രതീതിയാണുണ്ടാവുക. സാഹസികതയെ ഓമനിക്കുന്നവർക്കും കാടിനകം കാണാനും പഠിക്കാനും ആഗ്രഹിക്കുന്നവർക്കും ഒരു വഴികാട്ടിയാണ് ഇരുപത്തിയഞ്ചു അദ്ധ്യായങ്ങളിലായി നൂറ്റിഇരുപത്തിയഞ്ചോളം പേജുകളിലായി പടർന്നുകിടക്കുന്ന കാടിന്റെ മനസ്സ് വെളിവാക്കുന്ന ഈ പുസ്തകം –
ആദ്യപതിപ്പ് കൈയ്യിൽകിട്ടിയപ്പോൾ ഒറ്റയിരുപ്പിനു വായിച്ചുതീർത്ത “കാട്ടിലേക്കുള്ള വഴി” എന്ന പുസ്തകത്തിന്റെ രണ്ടാം പതിപ്പ് സന്തോഷപൂർവ്വം പ്രകാശനം ചെയ്തതായി അറിയിക്കട്ടെ
പ്രിയ സുഹൃത്ത് ജി. ജ്യോതിലാലിനു കൂടുതൽ യാത്രാഭാഗ്യങ്ങളും അവ മറ്റുള്ളവരെ എഴുത്തിലൂടെ അറിയിക്കുവാനുമുള്ള അവസരവും കൈവരട്ടെ എന്നും ആശംസിക്കുന്നു
– ജോയ് മാത്യു

ട്രെക്കിങ്ങിനൊരു വഴികാട്ടി

ഗവി, ഇടമലക്കുടി, അഗസ്ത്യാര്‍കൂടം, ചെമ്പ്ര, ഡാന്‍ഡേലി, തലക്കാവേരി, കരിക്കൈ, കരിക്കുംപുഴ, മുന്താരി, വരയാട്ടുമുടി, നെല്ലിയാംപതി, മേഘമല… ട്രെക്കിങ്ങ് ഇഷ്ടപ്പെടുന്നവര്‍ക്കുവേണ്ടി, കേരളത്തിലെയും കര്‍ണാടകയിലേയും തമിഴ്‌നാട്ടിലേയും ചില ട്രെക്കിങ്ങ് അനുഭവങ്ങള്‍. ചില അനുബന്ധങ്ങളും