Book Kalathinte Kali
Book Kalathinte Kali

കാലത്തിന്റെ കളി

95.00 85.00 10% off

9 in stock

Author: Unnikrishnan Puthoor Category: Language:   Malayalam
ISBN 13: 978-81-8266-302-1 Publisher: Mathrubhumi
Specifications Pages: 0 Binding:
About the Book

അനുഭവസമ്പന്നതയാണ് പുതൂര്‍ രചനകളുടെ മുഖമുദ്ര. അദ്ദേഹം എഴുതിയ കഥകളിലും നോവലുകളിലും തീവ്രാനുഭവങ്ങളുടെ ഊഷ്മളത അനുഭവപ്പെടുന്നതും അതുകൊണ്ടുതന്നെയാണ്. പുതൂരിന്റെ പതിനഞ്ചുകഥകളും ഒരു സമ്പൂര്‍ണ്ണ നോവലുമാണ്. ‘കാലത്തിന്റെ കളി’ എന്ന ഈ പുതിയ പുസ്തകം കൃതിയിലുള്‍പ്പെടുത്തിയിരിക്കുന്നത്. മയക്കുമരുന്നിന്റെ പിടിയില്‍ ദീര്‍ഘകാലം അമര്‍ന്നുപോയ ഒരെഴുത്തുകാരന്റേയും കാമുകന്റേയും ഗതകാലസ്മരണകളുടെ ശിഥിലാവിഷ്‌ക്കരണമാണ് ‘കഞ്ചാവേ വിട’. ഈ പുതിയ കഥാസമാഹാരത്തിലെ കഥകളെല്ലാം തന്നെ വ്യത്യസ്തത പുലര്‍ത്തുന്നവയാണ്. ഈ കഥാകാരന്റെ ആദ്യത്തെ കഥാസമാഹാരം 1952-ല്‍ പുറത്തുവന്നു. 2003-ലെ ഈ കൃതിയിലെ കഥകളും നമ്മുടെ സവിശേഷ ശ്രദ്ധ പിടിച്ചു വറ്റുന്നു. അരനൂറ്റാണ്ടിലേറെക്കാലം ഒട്ടും അലംഭാവമില്ലാതെ കഥാരചനയുമായി മുന്നോട്ടുപോകാന്‍ കഴിഞ്ഞുവെന്നുള്ളതാണ് ഈ പ്രതിഭാശാലിയുടെ നേട്ടം. ലോകഭാഷയിലൊന്നായ മലയാളത്തില്‍ ഏറ്റവുമധികം ചെറുകഥകളെഴുതിയ കഥാകാരനെന്ന സ്ഥാനം പുതൂരിന് മാത്രം അവകാശപ്പെട്ടതാണ്.

The Author
Unnikrishnan Puthoor

മലയാളത്തിലെ പ്രശസ്ത കഥാകൃത്ത്, നോവലിസ്റ്റ്. 1933ല്‍ തൃശ്ശൂര്‍ ജില്ലയിലെ എങ്ങണ്ടിയൂരില്‍ ജനിച്ചു. അച്ഛന്‍ കല്ലാത്ത് ചുള്ളിപ്പറമ്പില്‍ ശങ്കുണ്ണിനായര്‍. അമ്മ പുതൂര്‍ ജാനകിഅമ്മ. ചാവക്കാട് ബോര്‍ഡ് സ്‌കൂളിലും പാലക്കാട് ഗവ. വിക്ടോറിയ കോളേജിലും വിദ്യാഭ്യാസം. രാഷ്ട്രീയപ്രവര്‍ത്തകനും(സോഷ്യലിസ്റ്റ് പ്രസ്ഥാനം) തൊഴിലാളി നേതാവുമായിരുന്നു. ഗുരുവായൂര്‍ ദേവസ്വം ലൈബ്രറി എസ്റ്റാബ്ലിഷ്‌മെന്റ് വകുപ്പുമേധാവിയായി ഔദ്യോഗിക ജീവിതത്തില്‍നിന്നും വിരമിച്ചു. ഗുരുവായൂര്‍ ദേവസ്വം ഭരണസമിതി അംഗം, കേരള സാഹിത്യ അക്കാദമി ജനറല്‍ കൗണ്‍സില്‍, നിര്‍വാഹകസമിതി അംഗം, സംഗീത നാടക അക്കാദമി ജനറല്‍ കൗണ്‍സില്‍ അംഗം, സാഹിത്യ പ്രവര്‍ത്തക സഹകരണ സംഘം ഡയറക്ടര്‍ ബോര്‍ഡ് അംഗം, പ്രസിഡന്റ്, ഭക്തപ്രിയ മാസികയുടെ സ്ഥാപക പത്രാധിപസമിതി അംഗം എന്നീ നിലകളില്‍ പ്രവര്‍ത്തിച്ചിട്ടുണ്ട്. അറുനൂറോളം കഥകള്‍ എഴുതി. ആദ്യ കഥാസമാഹാരം കരയുന്ന കാല്പാടുകള്‍. ഇരുപത്തിയൊന്‍പത് കഥാസമാഹാരങ്ങള്‍, പതിനഞ്ച് നോവലുകള്‍, ഒരു കവിതാസമാഹാരം, ജീവചരിത്രം, അനുസ്മരണങ്ങള്‍ തുടങ്ങി അന്‍പതോളം കൃതികള്‍ പ്രസിദ്ധീകരിച്ചു. ബലിക്കല്ല്(ഇംഗ്ലീഷിലും തമിഴിലും പരിഭാഷപ്പെടുത്തിയിട്ടുണ്ട്), നാഴികമണി, മനസ്സേ ശാന്തമാകൂ, ആട്ടുകട്ടില്‍, പാവക്കിനാവ്, ആനപ്പക, ആത്മവിഭൂതി, അമൃതമഥനം, ജലസമാധി, വേദനകളും സ്വപ്നങ്ങളും, നിദ്രാവിഹീനങ്ങളായ രാവുകള്‍, ഡെലന്‍തോമസിന്റെ ഗാനം, സുന്ദരി ചെറ്യേമ്മ, നക്ഷത്രക്കുഞ്ഞ്, ഗോപുരവെളിച്ചം, മകന്റെ ഭാഗ്യം, കംസന്‍, ഒരു ദേവാലയത്തിന് ചുറ്റും, തള്ളവിരല്‍, പുതൂരിന്റെ കഥകള്‍, മറക്കാനും പൊറുക്കാനും, തിരഞ്ഞെടുത്ത കഥകള്‍, കാലത്തിന്റെ കളി, എന്റെ നൂറ്റൊന്ന് കഥകള്‍ തുടങ്ങിയവ മുഖ്യകൃതികള്‍. കേരള സാഹിത്യ അക്കാദമി അവാര്‍ഡ്(ബലിക്കല്ല്), ജി. സ്മാരക അവാര്‍ഡ്(നാഴികമണി), പത്മപ്രഭാ പുരസ്‌കാരം(എന്റെ നൂറ്റൊന്ന് കഥകള്‍) എന്നിവ ലഭിച്ചിട്ടുണ്ട്. ഭാര്യ: തങ്കമണിഅമ്മ. മക്കള്‍: ഷാജു, ബിജു. വിലാസം: ജാനകീസദനം, ഗുരുവായൂര്‍.

Reviews

There are no reviews yet.

Add a review